Java e fundit e muajit shkurt të vitit 2018 është një nga ato që Ilir Latifi nuk do ta harrojë kurrë. Kjo pasi puna e madhe ndër vite i është shpaguar me sukses botëror. Pas fitores ndaj Ovince Saint Preux, UFC ka publikuar renditjen e re dhe shqiptari është në top pesëshe, duke i dhënë kështu mundësinë atij të luftojë për titullin në kategorinë e ulët të peshave të rënda.
Lista prihet nga kampioni Daniel Cormier, të cilit Latifi i ka kërkuar përballje menjëherë pas fitores ndaj ‘OSP’-së.
Por, është një problem. Cormier sytë i ka nga një kategori më e rëndë dhe verës ai do të ndeshjet me kampionin Stipe Miocic për UFC 226. Pra, është e mundur që ai të bëhet kampion në pesha të rënda, por atij i garantohet se titulli në pesha të lehta do të jetë ende i tij, deri sa situata të zgjidhet.
Por, kjo nuk është problem për Latifin pasi ai dëshiron të ndeshjet me Cormier dhe nuk ka rëndësi kategoria.
“DC je legjendë, je kampion, ti e di se kam shumë respekt për ty, por le të luftojmë për titullin, ti dhe unë. Si thua? Hajde DC”, ishin fjalët e Latfit drejt Daniel Cormierit, dhe pastaj vazhdoi:
“Falënderoj për të gjitha familjen time, njerëzit që më përkrahin nga Suedia, SHBA-ja, Shqipëria e Kosova”, duke i thënë gjithë këtyre në shqip nga Orlando se i donë shumë, vlen të theksohet se në këtë garë ai prezantohet si garues nga Suedia.
34-vjeçari nga Kosova, por që garon si sportist i Suedisë është ngjitur nga vendi i tetë në të pestin dhe për këtë është shprehur i lumtur:
“Duke u ngjitur në botë dal ngadalë. Nga Rosengardi (Suedi) në top pesëshen e sportistëve në UFC. Shpresoj të jem model për fëmijët që rritet në zona me më pak fat, çdo gjë është e mundur nëse luftoni për atë!”, ka shkruar Latifi në Twitter.
Para kësaj arritje sportisti shqiptar i artëve mikse marciale ka postuar një video animacion në Instagram, ku ai i kërkon përballje kampionit Cormier, por ky i fundi akoma nuk ka pranuar.
Vlen të theksohet Cormier në korrik të 2017 u mund nga legjendari Jon Jones për titullin në peshën 93 kilogram për UFC 214, por pasi Jones doli pozitiv në dobing titulli iu kthye Cormierit.
