Deputetja meksikane Carmen Medel Palmas ka shpërthyer në lot dhe ulërima, gjatë një seance parlamentare, pasi mori një telefonatë ku i treguan se vajza e saj ishte vrarë. 22 vjeçaren, studente për mjekësi, e kishin ngatëruar për të dashurën e një pjesëtari të një grupi kriminal.
Deputetja e ka marë lajmin e rëndë përmes telefonit, ku i thanë se vajza e saj, 22-vjeçarja Valeria Cruz Medel është qëlluar nëntë herë me armë. E ndjera, gjatë momentit të sulmit ndodhej në palestër.
Studentja e mjekësisë ishte qëlluar për vdekje në qytetin e Ciudad Mendoza, në shtetin e Veracruz. Policia ka bërë të mundur zbardhjen e dinamikës së ngjarjes, ndërsa ka vënë në pranga dy persona. Ata kanë rrëfyer se kush ka qëlluar ndaj 22-vjeçares. Mediat vendase kanë raportuar se i dyshuari i tretë është gjetur më vonë i vdekur në një makinë. Ndërkohë hetimet e kësaj ngjarje vazhdojnë ende.
