Me siguri të gjithë e mbani mend “Rebelët”, serialin meksikan që mblodhi para ekranit vajza e djem adoleshent në vitin 2006. Kanë kaluar vite, por Robertën, Mian dhe Lupitën të gjithë i kujtojmë si vajzat rebele të shkollës së mesme. Por çfarë ka ndodhur me to pas kaq shumë vitesh?
Dulce Maria, e njohur si “Roberta”, nuk ka hequr për asnjë moment dorë nga aktrimi. 32-vjeçarja vazhdon të luajë në filma e seriale meksikan. Dulce është gjithashtu edhe këngëtare dhe i përkushtuar muzikës prej vitesh. Videoklipi i saj i fundit mban titullin “Tal vez en Roma”. Sa i përket jetës private, Dulce është në një lidhje me producentin Paco Alvarez transmeton Xing.al. Kjo është foto më e fundit nga çifti.
Anahi, e njohur si “Mia” nga ana tjetër është përqëndruar tek jeta familjare dhe i ka lënë pas dore telenovelat, por edhe muzikën. Aktorja 35-vjeçare është e martuar që prej vitit 2015 me politikanin Manuel Velasco Coello. Ata kanë një djalë me të cilin poston shpeshherë foto. Kjo është një nga fotot më të fundit të Anahit me familjen.
Ndërsa Maite Perroni, e njohur si “Lupita”, vazhdon të jetë aktive si me këngë duke nxjerrë disa albume, ashtu edhe me role në telenovela të ndryshme. 35-vjeçarja vetëm pak muaj më parë publikoi videoklipin e saj të ri me titull “Quien es ese” ku shfaqet shumë sensuale./Xing.al
