Një çifti nga Kosova dhe tre fëmijët e tyre u është lënë një afat kohor prej 45 ditës për t’u larguar nga territori francez, pasi kërkesa e tyre për azil u është mohuar.
Kjo është një situatë shumë e vështirë për Pashke dhe Gustin si dhe tre vajzat e tyre, Denisa, 8-vjeç, Daniella, 6-vjeç dhe Valentina, 3-vjeç. Familja ka bërë disa çanta gati pasi policia nga momenti në moment mund të trokasë në detin e shtëpisë së tyre për t’i dëbuar, qoftë edhe me forcë.
“Na u tha që ne mund ktheheni në çdo kohë në Kosovë. Po presim. Është e pamundur për të lëvizur, fëmijët duan të qëndrojnë me ne. Nuk mund të bëjmë asgjë. Dhe duhet të paraqitemi çdo ditë në polici, që është rreth 34 kilometra larg nga fshati”, tha Pashke.
Gjendja e familjes Pervorfi ka prekur shumë njerëz në fshat. Bruno Passard, është personi i parë që i shoqëroi ata në fshat. Familja thotë se është e kërcënuar në vendin e tyre për arsye fetare dhe politike. Ata janë të krishterë, që është një pakicë shumë e vogël në Kosovë. Ata kërcënoheshin nga një fqinj që ishte pjesë e mafies. Nuk kishim zgjidhje tjetër përveçse të merrnin dy vajzat tona dhe të iknim. E treta ka lindur në Francë.
Ata së pari kanë arritur në Besançon, jetonin në Bethoncourt, pastaj në Saint-Loup-sur-Semouse dhe më në fund Angirey, një një fashat ku gjetën shumë dashuri. Të tre vajzat po ndjekin shkollën në Gy. Gustin ka marrë jo vetëm autorizimin për të punuar, por edhe një kontratë me kohëzgjatje të pacaktuar në një kompani të Arc-lès-Grey. Pashke po pastron tre familje në Angirey. Ajo është gjithashtu një vullnetare në Secours Catholique. Çifti flet në mënyrë korrekte gjuhën franceze.
“Ata janë njerëz shumë të integruar, kanë krijuar lidhje shumë të forta këtu. Fëmijët janë të bukur dhe mësojnë shumë në shkollë. Kjo nuk është e drejtë për këtë familje. Dhe pastaj kompania e mbështetet Gustin, i cili punon aty si mekanik”, – thotë Bruno Passard. Por, banorët në Arc-lès-Grey do të mobilizohen pasi familja po kërcenohet me dëbim.
Burimi: estrepublicain.fr
Përshtati: Tirana Today
