Në mbledhjen e grupit të PS-së, kryeministrit Edi Rama ka komentuar masën e sigurisë të dhënë nga Gjykata e Krimeve të Rënda, për ish-ministrin e Brendshëm Saimir Tahiri. Sipas tij ai ka vendosur t’u përgjigjet të gjithë atyre që e akuzojnë se ai nuk brejti por dorëzoi Tahirin.
“Së pari ne nuk jemi ata dhe as nuk jemi si ata, dhe as nuk mund dhe nuk duhet kurrsesi të bëhemi si ata. Ne nuk jemi të rënë nga qielli dhe nuk jemi të pa-gabueshëm, as të pa-kritikueshëm dhe as të paprekshëm. Por ne kemi një dallim themelor me ta. Ndërsa që nga viti 1991, PD është marrë peng vetëm nga një njëri, i cili thotë se t’i mund të djegësh të presësh dhe unë s’të lëshoj gjallë. Ai është një pengmarrës që do të gëzojë pushtet dhe liri prej bajraktari. Ne nuk jemi si ata por ne jemi shumë ndryshe. Sa herë atyre u është dhënë të dëmtojnë Shqipërinë qoftë edhe një komunë kanë shkatërruar dhe prishur. Që prej lindjen së PS-së ne kemi ndërtuar dhe kemi ndrequr.
Për t’u kthyer tek unë, ai që ka punuar dhe po punon me mua, në këtë familje gjithsecilit i është dhënë një punë që ta mbaje me dinjitet. Unë jam bërë copë që të mbroj çdo ministër çdo deputet, por kurrë skam qenë dhe kurrë nuk kam qenë i gatshëm që të mbroj askënd, kur është fjala për t’u përballur me akuzat e organeve të drejtësisë.
Kur Saimir Tahiri u dënua me ‘arrest shtëpie”, unë kisha faj që e mbrojta nga “arresti me burg” dhe se unë kam faj ne nuk e mbrojta nga “arresti shtëpiak”. Ku hyjë dhe pse dua të hyjë unë në këtë mes. Unë nuk di të tallëm me ata që më kanë zgjedhur. Ata më kanë dhënë mundësinë e rrallë fare”– tha Rama. TIRANA TODAY
