Një ngjarje e rëndë ka ndodhur 4 ditë më parë në Maqedoni, ku dasme u kthye në mort. Qytetarët e Dibrës, një qytet i qetë në perëndim të Maqedonisë, janë të shokuar pasi mësuan se një familje e tërë u vra me gjakftohtësi në rrugën “1 Maj”. Ata janë Amit Pocesta 54-vjeç, gruaja e tij Nazime 53-vjeç dhe vajza e tyre Anila 14-vjeç.
Të tre u vranë ndërsa flinin, dhe trupat e tyre të pajetë u zbuluan nga të afërmit që shkuan në shtëpinë e tyre për të kontrolluar, pasi ata nuk kishin shkuar në festën e të afërmve. Motivi për këtë krim është ndoshta diçka banale, një mosmarrëveshje për një gardh, dhe dyshohet se vrasja është kryer nga një i afërm.
Tragjedia u zbulua nga të afërmit e familjes Pocesta. Pasi nuk u paraqitën në festën familjare, të afërmit shkuan tek ata, dhe në shtëpinë e tyre u përballën me një skenë të tmerrshme. Ata panë çiftin dhe vajza e tyre të vdekur. Ata i kishin gjetur në dhomat e gjumit.
“Ata duhej të ishin në dasmë, por u gjetën të vdekur. Meqenëse nuk kishin shkuar në gëzimin familjar, të afërmit ishin përpjekur të flisnin me ta në telefon por askush prej tyre nuk u përgjigj. Më pas ata shkuan për tek shtëpia e tyre për të parë se çfarë kishte ndodhur. Dera kryesore e shtëpisë ishte e mbyllur, ndërsa dritarja ishte e hapur. Ata i gjetën të vdekur në dhomat e gjumit”, ka thënë një fqinj i shqiptarëve për televizionin e Shkupit Telma.
Të afërmit, të cilët jetojnë në një shtëpi fare pranë tyre kanë thënë se nuk kishin dëgjuar asgjë dhe nuk kishin vënë re asnjë lëvizje të dyshimtë. Ata kanë theksuar se familja Pocesta ishte shumë e qetë dhe nuk e kuptojnë arsyen pse dikush duhej t’i vriste ata. Ata thonë se për fat të mirë dy vajzat e mëdha të çiftit nuk kanë qenë me ta në shtëpi, pasi ishin nisur për në Itali dy ditë më parë, ku prej familja prej 5 anëtarësh jetonte dhe punonte.
“Nuk kemi dëgjuar asgjë. Të tre ata u vranë, babai, nëna, vajza. Ata ishin shumë të mirë, njerëz familjarë. Ata kanë punuar jashtë vendit për 30 vjet”.
Motivi i vrasjes së trefishtë është ende i panjohur, dhe spekulohet se vrasjet ka ndodhën për shkak të mosmarrëveshjes midis të afërmve për kufirin.
“Vrasja u kryen me një armë nga një vrasës i panjohur. Policia po merr të gjitha masat e nevojshme për të gjetur autorin dhe për të hedhur dritë mbi këtë rast” ka thënë, Stefan Dimoski, zëdhënësi i policisë.
Burimi: telegraf.rs
Përshtati: Tirana Today
