Ata ishin në gjendje te kontrabandonin armë ushtarake dhe cigare, të pastronin male me para, bënin riciklim diamantesh dhe ari, trafikonin emigrantë nga Ballkani në Zvicër.
Kështu shkruajnë sot mediat italiane teksa raportojnë për shkatërrimin e nje bande kriminale te lidhur me Cosa Nostra dhe UÇK-ne.
Policia e Palermos shkatërroi mbrëmë një bande kriminale dhe arrestoi 17 persona, me lidhje të fortë në Itali dhe Kosovë. Banda vepronte mes Palermos, Como, Varese, Milano, Trieste, Luzern.
Ata kishin kontakte me Cosa Nostra dhe UÇK-ne për trafikun e armëve. Sipas prokuroreve te dyja organizatat vepronin në fusha të ndryshme, një ishte ekskluzivisht për transportin e emigranteve kosovarë në Zvicër në sajë të një rrjeti kontaktesh dhe bashkëpunëtorëve italiane, ndërsa i dyti, shumë më i strukturuar, merrej me trafikimin e armëve dhe cigareve nga Kosova në Palermo, pastrimin e parave nga sulmet në ATM, riciklimin e diamante dhe ari dhe gjithashtu ndihmonin ne emigracionin e paligjshëm.
Në krye të këtij rrjeti ishte Fatmir Ljatifi, banor i provincës Bolognetta në Palermo, Giuseppe Giangrosso dhe Driton Rexhepi, i cili jeton në provincën e Sondrio.
Pikërisht nga marrëdhëniet e tyre pranë Cosa Nostra në tetor 2016, nisen edhe hetimet. Fatmir Ljatifi, maqedonas nga një bar pranë rrugës së Unazës së Palermos, menaxhonte të gjithë biznesin e organizatës.
Në Palermo organizata kishte krijuar një shoqëri që kërkoi ardhjen e punëtorëve nga Maqedonia dhe Kosova. Një kompani fantazme që do të përdorej për të marrë leje qëndrimi të përhershme për emigrantët. Çdo emigrant i paguante shtatë mijë euro organizatës kriminale.
Të arrestuarit janë Fatmir Ljatifi, Driton Rexhepi, Arben Rexhepi, Xhemshit Vershevci, Franco Mapelli, Titian e Moreno Mapelli, Ibrahim Latifi, Jlenia Fele Arena, Giuseppe Giangrossio, Xhemil Xhaferi, Denis Nikci, Urran Ameti, Francesco Tinnirello, Salvatore Morello, Gabriel Torres, Dario Vitellaro, Luan Dobjani.
