Dy shqiptarë akuzohen se janë përfshirë në një fabrikë kanabisi që prodhonte drogë. Vlera e saj arrinte mund të shkonte deri në 750.000 Paund, raporton media e huaj.
Adeljan Oshafi, 31 vjeç, u paraqit në gjykatën britanike në Cheltenham. Ai ka pranuar se ishte ku edhe e fajtor për prodhim kanabisi në një banesë. Shtëpia mes rrugës Hale Lane dhe Northgate Street, ishte kthyer në fermë. Sëbashku me Oshafin akuzohet edhe një tjetër shqiptar. Ai është Neim Bakia, 23 vjeç. Ai nuk shfaqi pendesë në seancën gjyqësore.
Policia e zbuloi fabrikën të premten. Ata gjetën dy kate me qindra rrënjë kanabisi, drita ngrohëse dhe pajisje të tjera. Sipas asaj që shkruajnë mediat britanike, në skenën e ngjarjes kishte aq shumë materiale . Oficerëve u ishte dashur një pjesë të mirë e të shtunës që t’i sekuestronin të gjitha. 
Prokurori Jeremy Oliver tha se në fabrikë gjendeshin 963 bimë. Vlera e tyre mund të shkonte nga 250.000 deri në 750.000 Paund.
“Elektriciteti vidhej. Është një nga operacionet më të sofistikuara që kemi parë”, tha Oliver.
Prokurori kërkoi që 31-vjeçari Oshafi të mos lirohej me kusht. Sipas tij, shqiptari mund të kryente krime të tjera dhe të mos paraqitej në seancat e ardhshme gjyqësore. Ndërkohë, avokatja e Oshafit tha se roli i tij në këtë ngjarje ishte thjeshtë si “kopshtar”.
Kjo linte të nënkuptuar se ishte përfshirje e një niveli të ulët.
“Ai nuk mori pjesë në ngritjen e fabrikës, duke vjedhur energjinë elektrike apo duke organizuar fermën”, tha ajo. Ndërkohë vendimi për të dy të rinjtë pritet të merret më 23 Nëntor. Për detaje dhe foto klikoni këtu tek linku. /TIRANA TODAY/
