Duket se për Sicilinë dhe veçanërisht qytetin e Catanias do të ketë një Krishtlindje ndryshe. Është mali Etna që ka shpërthyer një re gjigante të hirit. Ai është vullkani më i madh dhe më aktiv në Europë dhe ka pasur shpërthime të shumta në vitet e fundit.
Etna, ose ‘Mongibello’, shpërthen shpesh, por rrallë përbën një kërcënim për njerëzit. Është gjithashtu vullkani i dytë më produktiv në planet, pas Kilauea në Hawaii. Qytetarët sicilianë kanë dalë në rrugë për të kapur fotot nga pamja spektakolare që dhuron ky shpërthim, pasi mali Etna është i mbuluar edhe nga dëbora.
Etna, në 3,330 metra (10,926 këmbë), vullkani është një nga më aktive në botë dhe më aktiv në Evropë dhe është 700.000 vjeçar e 24 milje i gjerë. Ai prodhon rreth 7 milion ton CO2, ujë dhe dioksid squfuri çdo vit.
Shpërthimi i vitit 2011 çliroi nga ai rreth 70 milion ton llava. Herën e fundit Etna paraqiti një kërcënim serioz për fshatrat në shpatin e malit ishte në vitin 1992, kur rrjedhat llavës u drejtuan drejt Zafferana, një qytet me 7,000 banorë.
Por në një operacion spektakolar, ushtarët italianë dhe amerikanë përdorën shpërthime të kontrolluara për të devijuar rrjedhën. TIRANA TODAY
