Policia ka zbardhuar edhe çastet e arrestimit të bandës së Met Kananit. Në videon e publikuar nga Policia e Shtetit shihen arrestimet e njëpasnjëshme të bandës së trafikantëve të drogës.
Policia ka zbardhur edhe skemën e funksionimit të grupit të trafikantëve të drogës, vendet e tyre të operimit dhe bashkëpunimit ndërmjet njëri-tjetrit.
Ndërkaq më herët, Policia dha edhe detajet e operacionit:
Në kuadër të operacionit ‘Forca e Ligjit’, falë bashkëpunimit ndërkombëtar me disa agjenci ligjzbatuese vendase dhe të huaja është goditur një grup i strukturuar kriminal që operonte në disa shtete për trafikimin e drogave.
Drejtoria Hetimore Qendrore në Departamentin e Policisë Kriminale në bashkëpunim me Prokurorinë për Krime të Rënda, Drejtorinë e Forcës së Posaçme Operacionale dhe Drejtoritë Vendore të Policisë në Tiranë, Elbasan, Fier, Vlorë, Lezhë, Korçë dhe Shkodër, finalizuan me sukses operacioni ndërkombëtar policor të koduar ‘Preçizioni’.
Në fund të veprimeve policore, u ekzekutua vendimi Nr.96, i datës 11 maj 2018 të Gjykatës së Shkallës së Parë për Krimet e Rënda, e cila kishte caktuar masën e sigurisë personale ‘’Arrest me burg’’, për 18 shtetas:
- Met KANANI, 56 vjeç, banues në Fier (aktualisht në burg në Turqi).
- Redjan DERVISHI, 26 vjeç (aktualisht në burg në Turqi).
- Ruvin SPAHIU, 46 vjeç (aktualisht në burg në Turqi).
- Besmir LLUPI, 32 vjeç, banues në Vlorë (aktualisht në burg në Turqi).
- Mentor MUÇKA, 47 vjeç, banues në Pogradec (aktualisht në burg në Maqedoni).
- Alfred SHABANI, 44 vjeç, banues në Gjirokastër.
- Armando GJINI, 47 vjeç, banues në Rrëshen.
- Iliro HARUNI, 43 vjeç, banues në Fier.
- Orges ISLAMI, 40 vjeç, banues në Gjirokastër.
- Arvanit ULNDREAJ, 26 vjeç, banues në Tiranë.
- Klaudio ULNDREAJ, 25 vjeç, banues në Tiranë.
- Florand XHABEJ, 43 vjeç, banues në Korçë.
- Gojart JAHELEZI, 33 vjeç, banues në Tiranë.
- Lavdim ÇUKU, 44 vjeç, banues në Përrenjas, Librazhd.
- Klinsi ALIAJ, 23 vjeç, banues në Tiranë.
- Nexhat MLLOJA, 53 vjeç, banues në Shkodër.
- Andrea (Sadik) BALLA, 57 vjeç, banues në Përrenjas, Librazhd.
- Bilbil HEQIMI, 58 vjeç, banues në Fier.
Gjithashtu u shpall në kërkim shtetasi S.R, banues në Librazhd.
Arrestimi i këtyre personave, u bë pasi Prokuroria pranë Gjykatës së Shkallës së Parë për Krime të Rënda Tiranë, në bazë të materialeve të referuara nga Drejtoria e Përgjithshme e Policisë së Shtetit, në Shkurt të vitit 2017, ka regjistruar procedimin penal lidhur me veprat penale të ‘’Trafikimit të narkotikëve’’ kryer në bashkëpunim dhe “Grup i strukturuar kriminal’’.
Këta persona vepronin si grup i strukturuar kriminal, për trafikimin e lendeve narkotike. Veprimtarinë kriminale e ushtronin në Shqipëri dhe në vende të tjera, kryesisht ato të Bashkimit Europian.
