Pas 19 vitesh në kërkim nga drejtësia shqiptare dhe ajo italiane, autoritetet kanë mundur të ndalojnë një 42-vjeçari shqiptar i shpallur në kërkim ndërkombëtar për vrasje me dashje, e kryer në bashkëpunim.
Ai është Ylli (Fatmir) Vangjelaj, banues në Vlorë dhe u arrestua këtë të enjte, falë shkëmbimit të informacioneve në kohë rekord midis strukturave të Policisë Shqiptare dhe asaj italiane.
Në një njoftim për mediat, policia sqaron se “më 25 Mars të vitit 2009, Gjykata e Rrethit Vlorë e ka dënuar me 23 vjet burg, për veprën penale të “Vrasje me dashje kryer në bashkëpunim”.
Vrasja për të cilën është dënuar Vangjelaj është kryer në Itali në vitin 1999, si porosi e një grupi kriminal, ku është vrarë një ekuadoriane, e cila dyshohej se punonte si prostitutë.
Policia thotë se 42-vjeçari i fshihej drejtësisë duke përdorur gjeneralitete të rreme.
Por, pas arrestimit të tij në Shqipëri, kanë reaguar edhe autoritete italiane ku karabinierët thanë se kanë çuar në vend ‘amanetin’ që u kishin lënë prindërit e vajzës nga Ekuadori, e identifikuar si Betty Ramirez.
“Ne i premtuam prindërve: do t’i arrestojmë vrasësit e vajzës”, kështu ka thënë kolonel Corrado Scattaretico, i cili ka komentuar arrestimin e shqiptarit të tretë për vrasjen dhe përdhunimin e prostitutës nga Ekuadori, Betty Ramirez.
Ajo do të festonte ditëlindjen e sajë të 20-të, kur më 9 dhjetor, 1999, u përdhuna dhe vra nga 3 shqiptarët e pamëshirshëm, në breg të lumit Po në Mortizza.
Por, lidhur me këtë krim, i njohur si një ndër më të përgjakshmit të ndodhur në Mortizza të Italisë, janë në burg edhe dy shqiptarë të tjerë.
Ata janë: Robert Ziu, i cili është ndaluar në vitin 2006 në Shtetet e Bashkuara dhe është ekstraduar në Itali, i cili është dënuar me 23 vjet në burg.
Ndërsa shqiptari tjetër Erjon Sejdiraj, lideri i vërtetë i bandës, i cili është kapur në Belgjikë me 15 gusht të vitit 2015, është dënuar me burgim të përjetshëm.
Fatmir Vangjelaj pas vrasjes kishte ikur për në Shqipëri, ku ai kishte ndryshuar identitetin e tij: ai kishte marrë emrin e pagëzimit vëllait të tij më të madh dhe datën e lindjes së motrës së saj më të vogël, ku ishte regjistruar me një emër të rremë. Ndërkohë ai kishte krijuar familje dhe ishte baba i një vajze. Ai ishte martuar me një shqiptare. Ndërsa për të fshehur gjurmët ai nuk e kishte regjistruar vajzën me emrin që ai po mbante.
Ndërkohë hetimi kishte vazhduar në Shqipëri ku u arrestua vëllai i tij: hetuesit shqiptarët menduan se kishin arrestuar vrasësin, por ata ishin të gabuar: gjurmët e këmbëve nuk përputheshin me të kërkuarin.
Vangjelaj kishte punuar si murator dhe kurrë nuk kishte folur për të kaluarën e tij të errët. Në disa përgjime shokët dëgjohet ta pyesnin atë se me çfarë ishte marrë në Piacenza, por ai kurrë nuk u ishte përgjigjur pyetjeve të tyre, madje ai as nuk kishte folur për ngjarjen e 9 dhjetorit.
Por, përgjatë vite karabinierët kishin ndjekur lëvizjet e gruas dhe vajzës së tij. Ata të dyja udhëtonin shpesh mes Shqipërisë dhe Italisë.
Por arrati a tij mori fund pas një bastisje ku ai u zu në befasi në shtëpinë e tij në Tiranë më 12 Korrik, ku nuk i kishte rezistuar policisë.
Tani ai është në burg duke pritur të ekstradohet për në Itali, ku do të vuaj edhe dënimin.
Prostituta, Betty Ramirez u rrëmbye nga tre shqiptarët në mbrëmjen e 9 dhjetorit të viti 1999, në frontin e stacionit të gazit Esso në Caorsana, dhe më pas ata e kanë vrarë në breg të lumit Po në Mortizza. Por, përpara se të vrisnin 3 shqiptarët ishin përpjekur që ta mbysnin.
Por, menjëherë pas krimit të rëndë ata kishin telefonuar të afërmit. Në një tabulat telefonik dëgjohet
Erjon Sejdiraj, i cili kishte telefonuar motrën e tij “Cico”, ndërsa ajo nga ana tjetër e telefonit i kishte bërtitur e dëshpëruar duke i thënë se çfarë kishte bërë.
Trupi i vajzë se re u ishte gjetur më 20 shkurt, të viti 2000 dhe që atëherë hetimet e policisë italiane kurrë nuk ishin ndalur. Të tre përgjegjësit për krimin e egër, kishin humbur gjurmët menjëherë pas vrasjes, por policia kurrë nuk kishte ndalur së kërkuari.
Burimi: ilpiacenza.it
Përshtari: Tirana Today
