Update/Një bandë e dhunshme dhe e pamëshirshme, e cila i kërcënonte ne vdekje viktimat e saj është shkatërruar. Një operacion përfundoi mëngjesin e djeshëm, ku në pranga u vunë 6 persona.
Rocco di Lorenzo, 61-vjeç, konsiderohej si lideri i grupit. John Luordo, 47-vjeç, John Cerrone, 46-vjeç, Marcello Sipione, 46-vjeç, Roberto Iannello, 49-vjeç, të gjithë nga Campania dhe Gazmend Prenga, 38-vjeç, ishin anëtarët e kësaj bande. Grupi kriminal akuzohet për grabitje, kërcënime, dhunë, drogë dhe armëmbajtje pa leje.
Një burrë tjetër shqiptar, Gentian Ndou, 32 vjeç, i cili ishte pjesë e grupit është në arrati. Ndërsa nënë hetim janë edhe 15 persona të tjerë.
Për më shumë se një vit banda e ka terrorizuar disa sipërmarrësit nga Bergamo dhe rrethinat e sajë. Kërcënime të tipit: “Unë do të vras”, ” mendoni për familjen tuaj”, dhe në disa raste edhe rrahjet, janë zbardhur nga hetuesit. Banda akuzohet edhe për vrasje të mbetur në tentativë.
Video/Goditet banda e shqiptarëve, krimet e frikshme që ka bërë
Autoritete italiane kanë goditur një bandë shqiptaro-italiane. Mediat italiane bëjnë me dije se grupi kriminal, ishte kthyer në makth për sipërmarrësit e biznesmenët në Bergamo, të cilët i rrihnin, dhunonin, dhe kanosnin me jetë në këmbim të gjobave të majme, raporton milano.repubblica.it.
Ata akuzohen për një serë veprash kriminale, që nga grabitjet me dhunë e me kërcenim, te plagosjet, trafiku i drogës dhe mbajtja e armëve.
Sipas policisë, ndaj 2 shqiptareve rëndon dhe akuza e trafikut të drogës, ndërsa ndaj një tjetër anëtari po shqiptar, rëndon dhe akuza e shkeljes së ligjit të emigracionit.
Hetimet faktuan me filmime raste te shumta te kërcënimeve dhe dhunës ndaj disa pronarëve në disa lokale të provincës së Bergamos. Ne një rast, një pronari i ishte vënë kusht të paguante 5 mijë euro gjobë./TIRANA TODAY/
