Dikur bëhej nami për të gjetur një shezlon bosh, e ndërsa sot realiteti është krejt tjetër. Nuk ka nevojë për të prenotuar më herët për një dhomë hoteli, pasi pushuesit tashmë e kanë terrenin e lirë, kjo për shkak të konkurrencës me jashtë. Të zhgënjyer nga çmimet e shërbimi, shqiptarët e kanë parë të udhës që të shikojnë ofertat për jashtë.
Ndonëse ka mbetur muaji gusht, periudha e bumit turistik, qershori dhe korriku na bën të dalim në konkluzionin se këtë vit, operatorët turistikë dhe ekonomia e vendit nuk është se përjetuan zhvillimin e pritshëm.
Pamjet vijnë nga Saranda. Ndonëse është mesditë, pak njerëz shikohen që ta frekuentojnë plazhin.
