Vullkani më aktiv i Evropës në malin Etna, gradualisht po lëviz drejt detit dhe shkencëtarët kanë paralajmëruar se mund të ketë pasoja potencialisht shkatërruese, shkruan Tirana Today.
“I gjithë ishulli i Sicilisë po zvarritet drejt Mesdheut në një shkallë prej 1.4 metra në vit”, kanë paralajmërua shkencëtarët.
Një ekip kërkimor i udhëhequr nga një ekip nga Britania e Madhe tha se gjendja e ishullit do të duhet të monitorohet në të ardhmen pasi rreziqet që rrethojnë ishullin mund të rriten në të ardhmen.
Rezultatet e studimit, të cilat u kryen në mes të viteve 2001 dhe 2012, u botuan në Buletinin e Vullkanologjisë.
Studimi gjeti: “Kjo është hera e parë që rrëshqitja e një vullkani të tërë aktiv është vërejtur drejtpërdrejtë. Kjo është e rëndësishme sepse të dhënat gjeologjike tregojnë se këto vullkane rrëshqitëse janë të prirura për shkatërrim në sajë të uljes, dhe lëvizja e vullkanit duhet të merret parasysh gjatë vlerësimit të rrezikut të kolapsit të ardhshëm”.
Dr. John Murray, i cili ka studiuar vullkanin për gati 50 vjet, tha për BBC Neës se: “Do të thosha se aktualisht nuk ka asnjë shkak për alarm, por është diçka që ne duhet ta mbajmë nën vëzhgim, veçanërisht për të parë nëse ka një përshpejtimin në këtë proces.
Gjatë 100 vjetëve, vullkani mendohet të lëvizë rreth 1.4 metra në vit. Ky lloj lëvizje lidhet zakonisht me vullkanet e zhdukur dhe kjo prirje mund të çojë në pasoja shkatërruese. Presioni dhe stresi mund të rriten në ishull, duke çuar në rrëshqitje tokësore potencialisht shkatërruese”.
Megjithatë, Dr Murray tha se ishte e rrallë që një veprim i tillë do të ndodhte dhe mund të duhen mijëra vjet për të arritur një fazë kaq kritike.
Duke përdorur stacionin e saktë GPS të vendosur rreth vullkanit, Dr Murray ishte në gjendje të shqyrtonte lëvizjen e vullkanit. Ai arriti në përfundimin se mali i Etnës po rrëshqiste poshtë një shkalle prej rreth një deri tre gradë, ndoshta për shkak të sedimentit të qëndrueshëm.
Gjurmuesit e GPS ishin në gjendje të përcaktojnë se mali ishte duke lëvizur në një drejtim lindje-jug-lindje, drejt qytetit bregdetar të Giarre, rreth nëntë milje larg.
Mali Etna është një nga atraksionet më të mëdha turistike në Sicili, duke tërhequr mijëra njerëz në vit. Vullkani 700,000-vjeçar është i një gjerësi prej 24 milje dhe praktikisht është aktiv. TIRANA TODAY
