Në mbledhjen e grupit parlamentar të Partisë Demokratike bashkë me aleatët ku e ftuar ishte dhe Monika Kryemadhi u mor vendimi që të ftojnë shqiptarët për një mosbindje civile.
Menjëherë pas mbledhjes Basha dhe Kryemadhi dolën para mediave dhe deklaruan se ka filluar mosbindja civile.
Por cili ishte ideatori dhe orkestruesi i kësaj nisme të opozitës. Ish-lideri historik i PD-së, Sali Berisha është ai që propozon mosbindjen civile.
“Të motivojmë njerëzit, të ngremë një shtab që do të drejtojë mosbindjen civile deri në rrëzimin e Edi Ramës. Mirënjohje të thellë për ata ‘lumianëve’ që na bënë një shkundje që në të zgjoheshim për mosbindje deri në ditën e fitores, deklaroi Berisha.
Me sa duket nuk janë aq të pabaza akuzat e politikanëve të mazhorancës kur thonë se Partinë Demokratike e drejton akoma Sali Berisha.
