Deputetja e Partisë Demokratike, Albana Vokshi ka reaguar pas deklaratave tw Sekretarit të Përgjithshëm i PS-së, Taulant Balla i cili njoftoi sot se do të padiste deputeten e PD, Albana Vokshi.
Vokshi ka postuar në faqen e saj zyrtare në Facebook një video të vjetër të Festivalit Folklorik të Gjirokastrës. Në video shfaqet Taulant Balla, në atë kohë fëmijë, që këndonte me grupin e të rinjve të Librazhdit një këngë për diktatorin Enever Hoxha.
Kujtojmë se padia e zyrtarit të PS erdhi pas akuzave që Vokshi bëri ndaj Edi Ramës dhe kryebashkiakut Veliaj për çështjen e Teatrit Kombëtar.
Në një reagim për mediat, Balla tha se çdo akuze të PD, PS do t’i përgjigjet me padi penale për tu dhënë fund abuzimeve.
