Presidenti i SHBA-vë, Donald Trump ka ngacmuar gazetaren irlandeze gjatë një telefonate me Kryeministrin e sapozgjedhur të Irlandë, Leo Varadkar.
Teksa Presidenti amerikan dhe kryeministri irlandez diskutuan çështje si emigrimi dhe dalja e Britanisë nga BE-ja, duket se Trump nuk ka mundur të rezistojë pa e komplimentuar një nga gazetaret e pranishme.
“Epo, kemi shumë nga shtypi irlandez që po na ndjek”, tha Trump teksa fliste në telefon, për t’iu drejtuar më pas drejtpërdrejt gazetares.
“Nga je ti? Vazhdo, vazhdo. Hajde këtu. Nga je?”
“Korrespondente e RTE Uashington, quhem Caitriona Perry”.
“Ka një buzëqeshje të këndshme në fytyrë, betohem që të trajton mirë”, tha Trump duke vënë disi në siklet gazetaren, e cila mori një vëmendje të madhe për shkak të komplimenteve të presidentit.
