Kroatët dhe shqiptarët e gjithë trojeve shqiptare kanë krijuar një afrimitet midis tyre për shkak të shumë faktorëve.
Një ndër ta është faktori historik dhe që lidhet me përplasjen e vazhdueshme me Serbinë, duke sjellë në kujtesë këtu luftërat në Ish-Jugosllavi, ku kroatët luftuan për të fituar pavarësinë e tyre ndaj Beogradit.
Po ashtu edhe masakrat serbe që pasuan në Bosnje-Hercegovinë dhe në Kosovë, bëri që urrejtja e kroatëve të rritej ndaj Beogradit zyrtar dhe vetë Serbisë.
Aq sa në vitet e vitet e luftës por edhe ato të ngjarjeve të tjera, kroatët i konsideronin shqiptarët si vëllezër.
Kjo vinte edhe për faktin se vetë serbët e kishin krijuar një klishe të tillë urrejtje ndaj kroatëve dhe shqiptarëve të Kosovës dhe Shqipërisë, aq sa në ndeshjen e vitit 2014 midis Shqipërisë dhe Serbisë, ultrasit serbë thërrisnin në kor: Vrite shqiptarin që kroati të mbesë pa vëlla.
Nga ana tjetër, klisheja e krijuar se kroatët dhe shqiptarët janë një, janë si vëllezër përballë serbëve, duket se shpeshherë hidhet poshtë, kur vetë kroatët përdhosin flamurin shqiptar.
Ky incident ka ndodhur në rrugët e Kroacisë mesa mësohet nga pamjet filmike, ku kroatët pas fitores me Rusinë në çerekfinalen e Kupës së Botës kanë mbushur rrugët e kryeqytetit.
Një i ri teksa valëvit flamurin shqiptar mbi makinë (me shumë gjasa është shqiptar) i afrohet një tifoz kroat dhe ia rrëmben nga dora furishëm duke ia lëshuar në tokë.
Nisur nga ky gjest shumë njerëz kanë nisur të pyesin: A i kemi vallë kaq vëllezër kroatët kur përdhosin flamurin shqiptar?! Apo rrethanat gjeopolitike, ato të futbollit dhe përplasja e vazhdueshme me Serbinë kanë krijuar një klishe krejt të pavend?!
TIRANA TODAY
