Kryeministri Edi Rama ka thumbur deputetët e PD-së, duke iu referuar videoskandalit të publikuar para pak ditësh, ku deputeti demokrat Salianji shkëmbente biseda jonormale brenda në parlament.
Kështu, teksa ish-kryeministri Berisha po shikonte një material në tabletin e tij, Rama e ka thumbuar atë, duke ironizuar bisedat e publikuara nga CityNeës, ku Salianji shkëmbente mesazhe joetike me një person, emrin e të cilit e kishte dhënuar G.D. dhe që u përfol se ishte deputetja Grida Duma.
Rama i ka kujtuar Berishës, videon e publikuar, ndërsa i kërkoi të ulë tabletin sepse lart ka kamera.
“Kujdes se do të filmojnë edhe ty Sali. Kujdes se ka kamera aty, se na morët fytyrën, mos na i hap këto muhabete”, u shpreh Rama.
Deputeti Salianji deklaroi se bisedat ishin të vërteta, ndërsa shtoi se personi me të cilin komunikonte nuk ishte Grida Duma. Kjo e fundit nuk ka reaguar, duke mbajtur të njëjtin qëndrim si kreu i opozitës, Lulzim Basha. Lidhur me videoskandalin, ka qenë Ristani ai që ka reaguar, duke i cilësuar bisedat si skandaloze.
