Një javë pas ndërhyrjes së policisë dhe arrestimit të shefit të Zyrës Serbe për Kosovën, askush nga autoritetet në Prishtinë, nuk jep sqarim pse nuk u prangos edhe Sekretari i Përgjithshëm i Presidencës serbe, Nikolla Selakoviç.
Ishte vetë Ministri i Punëve të Jashtme, Behgjet Pacolli, që më 26 mars bëri me dije se asnjë zyrtar serb nuk kishte leje për vizitë, por Selakoviç nuk u pa i prangosur.
Për më tepër, gjysmë ore pas bartjes së Gjuriçit për në Prishtinë, Selakoviç në pamjet ekskluzive të Klan Kosovës, shihet se i priu turmës për tu ofruar te “Ura e Ibrit”.
