Tre qytetarë të bllokuar në një makinë dhe në rrezik për t’u mbytur, janë shpëtuar nga forcat e shpëtimit.
Videoja është publikuar nga kryeministri Edi Rama, i cili shkruan se forcat e kërkim-shpëtimit kanë operuar 48 orë papushim duke nxjerrë 1594 persona nga kushtet e kërcënimit të jetës.
“MIRËMËNGJES dhe me pamjet mbresëlënëse të këtij operacioni shpëtimi të tre bashkëqytetarëve në rrezik jete, duke u përulur me respekt të thellë ndaj forcave të kërkim – shpëtimit, të cilat kanë operuar 48 orë papushim duke nxjerrë 1594 persona nga kushtet e kërcënimit të jetës, uroj që gjithçka të shkojë mirë deri në fund e për të gjithë ju të jetë një e dielë sa më e qetë”, shkruan Rama.
