Një 18-vjeçar nga Shkodra ka rënë në pranga pasi dyshohet se shpërndante lëndë narkotike. Ai u arrestua në flagrancë, teksa iu gjetën edhe një armë zjarri, si dhe 15 doza me lëndë narkotike, të dyshuar cannabis sativa.
Njoftimi i policisë:
Finalizohet një tjetër goditje në fushën e shpërndarjes së lëndëve narkotike dhe armëmbajtjes pa leje falë bashkëpunimit me qytetarët.
Sekuestrohet një armë zjarri dhe 15 doza lëndë narkotike Cannabis Sativa
Në pranga poseduesi i tyre
Nga strukturat e D. V. P. Shkodër, Forcat e Posaçme “Shqiponja”, pas informacionit të marrë nga qytetarët se një i ri , kishte një armë zjarri me vete si dhe dyshohet se shpërndan lëndë narkotike, falë ndërhyrjes profesionale dhe në kohë, u bë e mundur arrestimi në flagrancë i shtetasit G. B. 18 vjeç, banues në lagjen “Salo Halili”, Shkodër.
Gjatë kontrollit fizik policia i gjeti në një çantë dore 15 doza me lëndë narkotike të dyshuara cannabis sativa të ndara në qese farmaceutike një armë zjarri pushke 10-she, të cilët e hodhi në tokë porsa pa punonjësit e policisë.
Materialet do i referohen Prokurorisë së Rrethit Gjyqësor Shkodër për veprime të mëtejshme, për veprat penale “Prodhimi dhe shitja e narkotikëve” e “Mbajtja pa leje dhe prodhimi i armëve, armëve shpërthyese dhe i municionit” parashikuar nga nenet 283 e 278 të Kodit Penal.
