Kaliforninë e Jugut po përpihet nga flakët. Qindra zjarrfikës po punojnë prej orësh për të shuar zjarret që përhapen me shpejtësi të jashtëzakonshme. Erërat e shumta e vështirësojnë shumë punën e zjarrfikësve. Këto erëra pritet të kapin një shpejtësi deri në 80 milje në orë, shkruan CNN.
Deri tani janë evakuuar më shumë se 110,000 njerëzve sepse zjarrfikësit japin alarmin se ka shumë mundësi që përmasat e këtij zjarri mund të rriten. Zjarri në veri dhe në perëndim të Los Anxhelos, u rrit shumë të mërkurën me rreth 140 kilometra katrorë.
Zyrtarët thanë se nuk mund të jepnin një numër të saktë të shtëpive të shkatërruara, sepse flakët në lagjet e djegura ende ishin shumë intensive për t’u ekzaminuar. Por ata kishin vlerësuar rreth 150 ndërtesa që nga natën e së mërkurës.
Indeksi i zjarreve në SHBA tregon për situatë ekstreme, nëse shifra është mbi 165, ndërkohë në Los Angeles ka shkuar në 295.
Me mijëra zjarrfikës janë angazhuar në betejën deri tani të humbur ndaj flakëve, që kanë shkrumbuar më shumë se 40 mijë hektarë pa u ndalur aspak.
Lagështira nën 10% dhe erërat e forta janë faktorët pas “sprintit” të flakëve, që tashmë kanë mbërritur në zonat e banuara dhe kanë djegur me dhjetëra shtëpi e biznese. Me dhjetëra mijëra njerëz janë evakuuar, ndërsa me qindra shkolla do të qëndrojnë mbyllur deri javën e ardhshme.
