Në një kohë kur institucioni i Ministrisë së Brendshme është në qendër të debateve publike për “vrasjen” apo “vetëvrasjen” shoferit të ministrit Fatmir Xhafaj, ish-ministri Saimir Tahiri ka gjetur momenti që të thumbojë situatën.
Tahiri ka zgjedhur që këtë të diel të shkojë në fshat. Tahiri ka publikuar një video dhe disa foto në Facebook, ku shfaqet në një fshat të Shqipërisë si bletar. Kujtojmë se Tahiri i shpëtoi pak kohë më parë ‘arrestit shtëpiak’ pas akuzave të opozitës për lidhje me Habilajt.
Ish-ministri ka veshur edhe uniformën përkatëse teksa merret me ndarjen dhe rregullimin e bletëve. Pamja e Tahirit është e ndryshme nga ajo që jemi mësuar ta shohim deri tani. Ai ka lënë mjekër dhe në disa foto shihet duke ngritur dolli me raki.
“Një thumb larg”-shkruan Tahiri në videon e postuar në rrjetin social “Facebook”. Po ashtu ai shkruan se është mes bletëve punëtore dhe njerëzve punëtorë.
