https://www.facebook.com/tiranatodaycom/videos/329232914188119/
Kryeministri Edi Rama thekson se do të shkrijë të gjitha drejtoritë bujqësore. Sipas tij, e gjitha kjo bëhet në kuadrin e reformimit tërësor të bujqësisë.
Në dëgjesën e tij të radhës, nga qyteti i Fierit Rama ka vënë në dukje se qeveria do të ndjekë politikat e saj dhe do të përcaktojë buxhetin. Ndërsa pjesa tjetër, do të ndahet midis Agjencisë së Pagesave dhe bashkive.
“Drejtoritë e bujqësisë nuk do të jenë më këto që janë; drejtori bujqësie shteti, drejtori bujqësie bashkia, agjenci pagesash andej. Një ccorap i madh. Qeveria do të ndjekë politikat dhe do të përcaktojë buxhetin. Pjesën tjetër, do të ndajmë midis Agjencisë së Pagesave dhe bashkive”, theksoi kryeministri.
Ai vuri në dukje se përveç thithjes së investimeve nga ana e fermerëve ata duhet të informohen më shumë rreth zhvillimeve në bujqësi.
“Ajo që fermerët kanë nevojë sot nuk është vetëm leku, por edhe informacioni. Po të mos ishin agronomët e Gramozit, ne sot do të ishim në dorë të djemve me xhel. Dinë gjë ata që si mbillet dhe korret. Djem bujqish janë ata. Ata të japin mend vetëm për skedinën ku ta vendosësh 2, 1 apo x, por se kur duhet hedhur fara dhe kur duhet korrur, as ia kanë idenë”, u shpreh Rama.
