Zhvillime të bujshme kanë ndodhur sot në politikën shqiptare. Ministri i Brendshëm Fatmir Xhafaj ka dhënë dorëheqjen.
Ka qenë kyeministri Rama që shkroi në “Twitter”, se kishte pranuar dorëheqjen e ministrit. Por, mesa duket kreu i qeverisë nuk është i shqetësuar për largimin e Xhafajt. Ai ka vijuar me agjendën e tij.
Sot, Rama ka qenë i pranishëm në Lushnje ku është takuar me gra dhe vajza.
Me anë të një shënimi në “Facebook”, Rama shkruan:
Lushnje- Me gra dhe vajza të një komuniteti të prekur jo pak nga pasojat e bixhozit, për të diskutuar mbi ndalimin e tyre dhe kalimin e qindra miliona eurove në vit, nga lumi e llumi i kumarit në konsumin familjar? #StopBixhozit #eGjithëVëmendjaPërJu.
I pranishëm në këtë takim ka qenë edhe deputeti Erjon Braçe. Kreu i qeverisë nuk i ka ngurua të bëjë disa batuta me deputetin socialist.
“Erion Braçen e shikojnë të vogël dhe u duket më i lehtë për ta sulmuar. Por, nuk e dinë se nëse të kthehet është sa 5 si puna ime. Kështu që më mirë më sulmoni mua 5 herë dhe nuk ka rrezik që të të kthehem. Sesa të sulmosh Erionin 1 herë sepse të kthehet 5 herë”, tha Rama.
