Shkrimtarë, pedagogë e artistë janë solidarizuar me protestën e studentëve, duke iu bashkuar asaj e duke inkurajuar çdo student që të vijojë të kërkojë të drejtat e tij për arsim.
Në ditën e tretë të protestës, studentët ende vijojnë të bëjnë rezistencë. Por ajo që ka prekur zemrat e tyre dhe kujtdo që e ka parë këtë skenë, ka qenë solidarizimi i një zonje. Ajo ka shpërndarë në mënyrë simbolike një trastë me ushqime, duke i inkurajuar që të vazhdojnë protestën:
“Jam nënë, jam gjyshe, jam bashkë me to, i ndjek. E ndjeva dhe erdha, të vazhdojnë se kanë të drejtën e vetë. Atë që se bëmë ne ta bëjnë këta. Vazhdoni, bravo.”
Studentë e përshëndetën në kor gjestin e saj me thirrjet: Bravo! Bravo!
Më pas një tjetër zotëri erdhi me shishe me ujë duke i shpërndarë për studentët. “Për të drejtat e fëmijëve tanë do të luftojmë deri në fund”, tha ai.
