Një tjetër armë e re, e panjohur për pjesën tjetër të Botës, është shpikur nga shkencëtarët rusë, madje është instaluar me sukses në anijet luftarake.
Arma e re mund t’i bëjë ushtarët e armikut të humbasin objektivat duke i verbuar ata, por edhe duke shkaktuar halucinacione dhe duke u provokuar vjelljen.
“Dy fregata ruse u pajisën me armën e re, të konsideruar si jo-vdekjeprurëse, 5P-42 Filin (në shqip – bufi)”, u deklaroi mediave ruse përfaqësuesi i prodhuesit të kësaj arme. Sipas tij, arma është projektuar për të verbuar armikun, por vetëm përkohësisht.
Ajo krijon një efekt strobues (shtrembërim të figurës) që pengon shikimin, duke asgjësuar aftësinë e ushtarit kundërshtar për tu orientuar, sidomos gjatë natës, deklaroi përfaqësuesi i prodhuesit “Ruselectronics”.
Gjatë testimit, vullnetarët përdorën pushkë sulmi, pushkë snajper dhe armë automatike për të qëlluar objektivë të vendosur deri në 2 km larg, por të mbrojtur nga pajisja e re. Të gjithë vullnetarët dështuan të godisnin shënjestrat duke sqaruar se ata “nuk mund ta shihnin objektivin”.
Përgatiti TIRANA TODAY
