Një aksident i rëndë ka ndodhur në Kinë, ku vdiqën 13 persona dhe dy të tjerë janë shpallur në kërkim.
Ngjarja e rëndë është filmuar nga të pranishëm, ndërsa e gjitha ndodhi për shkak të një sherri mes një pasagjereje grua dhe shoferit.
Si pasojë e sherrit, shoferi humbi drejtimin e autobusit dhe përfundoi jashtë urës, në thellësinë e lumit. I gjithë sherri është filmuar, pamje këto që kanë bërë xhiron e rrjeteve sociale.
Policia tha se gruaja 48-vjeçare i kërkoi shoferit të kthehej pasi kishte humbur stacionin ku duhet te zbriste, më pas ajo duket teksa i qëllon me një send që mendohet të ishte telefon. Shoferi nuk e ka duruar e më pas kjo zënkë është kthyer në tragjedi.
