Dy persona mbi motoçikletë i kanë shpëtuar për pak vdekjes, pasi një tigër ka tentuar t’i sulmojë teksa ata po kalonin në rrugë.
Ngjarja ka ndodhur në Parkun Kombëtar Nagarhole, në pjesën jugore të Indisë. Momenti është regjistruar nga pasagjeri dhe është postuar nga Daily Mail. Pamjet tregojnë momentin kur tigri tenton që ta kapë motoçikletën nga rrota e prapme, por personi që po e ngiste ka arritur ta shmangë atë.
Në këtë park jetojnë rreth 72 tigra dhe në fillim të këtij viti, 3 persona janë vrarë nga njëri prej tyre.
