Qyteti rus i Berezniki po paguan çmimin e rëndë e të qenit i vendosur mbi një minierë sovjetike të kripës.
Ky qytet është ndërtuar mbi tokat e rrëshqitshme dhe mbi guva dhe anësh gropave. Berezniki si qytet u themelua gjatë viteve 1900 në Malet e Uralit.
Por ky qytet është bërë kohët e fundit i famshëm për përmbytjet shkatërruese si rezultat i praktikave minerare në zonë, duke detyruar që zona të mëdha të braktisen.
“Russia Today” shkruan se pjesë të qytetit nisën të zhdukeshin nën tokë, mijëra njerëz duhej të evakuoheshin dhe shërbimet kryesore si shkollat dhe transporti u zhvendosën ose u mbyllën.
Pamjet e videove zbulojnë punën që po ndërmerret duke përdorur makineri të rënda për të shkatërruar ndërtesat e dëmtuara. Disa nga krateret e mbushur me ujë tani i ngjajnë liqeneve të qetë. Megjithatë toka është e paqëndrueshme dhe në rrezik të gëlltitjes të gjithë qytetin.
Më e madhja nga këto gropa u hap në mes viteve 2006 dhe 2007, duke kërcënuar rrugët e trenave dhe duke detyruar autoritetet lokale të mbyllnin me zhavorre shumë nga plasaritjet alarmante në Berezniki. TIRANA TODAY
