Dje është përcjellë për në banesën e fundit Edison Harizaj, i njohur ndryshe si “Edi Faqedjeguri”.
Teksa të gjitha mediat ishin të përqendruara te ngjarja në Bularat, në Vlorë ia dha lamtumira e fudnit 39-vjeçarit.
Të pranishëm në këtë ceremoni ishin një grusht njerëzish, miqtë dhe familjarët më të afërt të Edit.
Nga pamjet e publikuara në media vihet re kortezhi, i cili del në rrugën kryesore në afërsi të banesës së Harizajt.
Gjithashtu mësohet se gjatë asaj dite miqtë dhe familjarët janë siguruar që ceremonia të zhvillohej në diskrecion të plotë. Ata e kanë mbajtur me çdo kusht larg vëmendjes mediatike dhe syrit të kamerave, dhimbjen e familjarëve.
Të pranishëm në ceremoni kanë qenë forca të shumta policore, të veshur në mënyrë civile, për të ruajtur qetësinë, rendin dhe sigurinë e banorëve të zonës, nga ndonjë atentat i papritur.
Edison Harizaj u vra më datë 6 nëntor në Durrës. I cilësuar si miku dhe krahu i djathtë i Emiljano Shullazit, 39-vjeçari u vra në një atentat. Ai u qëllua nga një sërë plumbash teksa ka qenë pasagjer në makinën tip “Audi” me targa AA857. Bashkë me të gjeti vdekjen edhe miku i tij Genc Caci. Ky i fundit nuk mundi t’u mbijetonte plagëve të marra dhe ndërroi jetë në spital.
