Një autobus me 14 pasagjerë bie në ujërat e rrëmbyeshëm të një lumi në Lesotho të Afrikës së Jugut. Nga ky aksident, humbin jetën tetë persona përfshirë një nënë dhe foshnja e saj e porsalindur.
Minibusi mundohej të kalonte përmes urës së përmbysur nga ujërat në Thaba Tseka, kur në një moment shoferi humb kontrollin mbi timonin dhe ujërat e rrëmbyeshëm e “marrin me vete”.
Videoja amatore është filmuar nga një shofer tjetër i cili kapi momentin kur autobusi bie në ujë, derisa disa pasagjerë mundohen të dalin dhe t’i shpëtojnë vdekjes.
Shtatë persona, përfshirë shoferin kanë shpëtuar, ndërsa tetë tjerë humbën jetën. Zëdhënësi i policisë Mpiti Mopeli ka deklaruar për IOL Neës, se ekipet e shpëtimtarëve kanë filluar menjëherë t’i kërkojnë të mbijetuarit.
Ndërkaq trupat e pajetë janë gjetur në momentin që shiu u ndal dhe i mundësoi zhytësve të futen në ujë.
