Në stadiumin ‘Arena Kombëtare’ po vendoset mbulesa përfundimtare e impiantit. Mbulesa është e përbërë nga 3 shtresa:shtresa e parë që tashmë ka përfunduar ndërsa shtresa e 2-të prej leshit të xhamit vendoset sipër të parës dhe menjëherë pas saj shtresa përfundimtare.
Këto shtresa do të ndikojnë në krijimin e një izolimi për stadiumin dhe do të krijojë një akustikë perfekte për tifozët kuqezi.
Po ashtu kanë mbërritur edhe panelet dekorative me të cilat do të vishet rreth e qark stadiumi. Me motive tradicionale, në ngjyrat kuqezi ato do ti japin një pamje të mrekullueshme pjesës së jashtme të “Arenës Kombëtare”.
