Pandemia e Covid-19, prej më shumë se një viti ka bllokuar lëvizjen e lirë në të gjithë botën, dhe ka marrë miliona jetë njerëzish. Por, cila është origjina e virusit vdekjeprurës?
Sky News, ka publikuar një video nga Akademia Kineze e Shkencave, ku shihet se brenda Institutit të Virologjisës së Wuhanit lakuriqët e natës mbahen në kafaz. Në një moment, shkencëtari që ndodhej në laboorator e ushqen lakuriqin e natës me një krimb.
Videoja prej 10 minutash, titullohet “Ekipi ndërtimor dhe hulumtues i laboratorit Wuhan P4 të Institutit të Virologjisë Wuhan, Akademia Kineze e Shkencave ”dhe përmban intervista me shkencëtarët e saj kryesorë.
Ky filmim është realizuar me rastin e laboratorit të ri të biosigurisë të nivelit 4 dhe është regjistruar në maj 2017.
Këto pamje hedhin poshtë mohimet nga hetuesit e Organizatës Botërore të Shëndetësisë, të cilët thanë se spekulimet se virusi doli nga laboratori në Wuhan ishte thjesht një hipotezë.
Hipoteza se koronavirusi ka dalë aksidentalisht nga një laborator kinez, tani po merr vëmendje të re nga autoritetet amerikane.
Ekspertët kanë thënë se hetimi 90-ditor, i kërkuar më 26 maj nga presidenti amerikan Joe Biden, do të shtyjë agjencitë e inteligjencës në Shtetet e Bashkuara që të mbledhin më shumë të dhëna dhe të analizojnë ato që veçse kanë.
