Koha kalon dhe bota nuk është më e njëjta. Për mira dhe miliona vite kanë ndryshuar aq shumë gjëra. Tani kemi fatin të shohim ndarjen e një kontinenti. Bëhet fjalë për Afrikën, më sa duket gjërat nuk do jenë më ashtu si i kemi parë deri tani.
Afrika lindore po ndahet nga pjesa tjetër e kontinentit si pasojë e ndryshimeve gjeologjike, si pasojë për një milion vjet mund ta linte kontinentin pa “bririn” e tij. Megjithatë, kjo dukuri e natyrshme tashmë shkakton probleme të mëdha në kontinent.
Procesi gjeologjik në lindje të kontinentit po evolon shumë më shpejt sesa kishin menduar shkencëtarët.
Për këtë arsye, rruga e qarkullimit në Kenia Mai Mahiu u shkatërrua pasi që nën të u shfaq një thyerje, deklaroi Administrata nacionale keniane për rrugë.
Gjeologu David Adede thotë se procesi gjeologjik ndan Afrikën në dy pllaka.
“Kemi konfirmuar se pllaka somaleze po ndahet nga pjesa tjetër e kontinentit me shpejtësi prej 2,5 centimetra në vit. Nëse ky vit vazhdon, pllaka somaleze do të vazhdojë të ndahet nga pllaka nubiane, gjë e cila mund të kërcënojë seriozisht infrastrukturën aktuale dhe sigurinë e banorëve”, tha ai.
Shkencëtarët thonë se janë duke monitoruar fenomenin, për të këshilluar qeveritë në lidhje me vendet më të sigurta për ndërtimin e rrugëve dhe shtëpive, transmeton KosovaPress. Ndarja e pllakës somaleze është shkaktuar nga lëvizja e pjesës së mbështjellësit të Tokës, i cili transmeton nxehtësinë nga bërthama e planetit drejt sipërfaqes.
