Jurgen Klop nuk ishte aspak i kënaqur me humbjen e ekipit të tij, ndaj Manchester City.
Trajneri i Liverpulit e pranoi që kundërshtari ishte dominues në disa çaste të takimit. Megjithatë, tekniku gjerman ishte i tërbuar me një faull që mbrojtësi belg, Vinsent Kompani, i bëri sulmuesit të tij, Mohamed Salah.
“Ishte një ndeshje shumë intensive. Nuk patëm fat në finalizime. Sane shënoi falë shtyllës, ndërsa Mane goditi shtyllën dhe topi nuk shkoi në rrjetë. Siti dominoi në disa çaste të takimit, por ne reaguam dhe krijuam raste të cilat nuk i shfrytëzuam.
Vinsent Kompani më pëlqen shumë si lojtar, por si ka mundësi që ajo ndërhyrje që bëri ndaj Salah nuk u ndëshkua me karton të kuq? Ishte lojtari i fundit dhe bëri një ndërhyrje të gabuar. Nëse do ta kishte goditur më fort, Salah do ta kishte mbyllur sezonin. Nuk është e lehtë për arbitrat dhe ai mund ta shikojë ndryshe atë moment nga unë.
Ne mund të luajmë më mirë, por duhet të pranojmë edhe se nuk mund të dominojmë gjithmonë. Me pak fat mund të kishim barazuar 2-2, që do të kishte qenë rezultati perfekt për ne.” – deklaroi Jurgen Klop.
Salah Kompani on Vidnews.
