Policia e Elbasanit ka vënë në pranga një 28-vjeçar, në saj të operacionit të koduar “Mengel”. Ai akuzohet për trafikim të minave me telekomandë. Në cilësinë e proves materiale janë sekuestruar 4 copë mina.
I riu i vënë në pranga është Petraq Kote, 28 vjeç, banues në Tiranë.
Nga kontrolli i ushtruar, në ambientet e një lokali në fshatin Mengel, Labinot-Fushë, iu gjetën 4 copë mina për shpërthim në distancë. Ata ishin të pajisura me aparat telefoni celular me bateri, fije përcjellëse dhe magnet të cilat u sekuestruan në cilësinë e provës materiale.
Materialet në ngarkim të shtetasit Petraq Kote,i kaluan Prokurorisë pranë Gjykatës së Shkallës Parë Elbasan. Ndaj tij rëndon akuza për veprën penale të “Prodhimi dhe mbatja pa leje e armëve luftarake dhe e municionit”.
