Juventusi është fituesi i Kupës së Italisë, për herë të 14-të në histori. Bardhezinjtë e Andrea Pirlos, triumfuan në finale ndaj Atalantës me rezultatin 1-2.
Kulusevski dhe Kieza ishin autorët e golave në këtë sukses të bardhezinjve, teksa për bergamaskët golin e vetëm e realizoi Malinovski.
Ky ishte trofeu i parë për këtë sezon i “Zonjës së Vjetër”, që e dominoi takimin e sotëm, kryesisht pjesën e dytë, ku zikalërit e Gasperinit prodhuan shumë pak aksione të rrezikshme.
Pas një sezoni zhgënjyes, Kupa ishte mënyra e vetme që bardhezinjtë të mos e mbyllnin pa trofe.
