Ish-mbrojtësi i Liverpulit, Dejan Lovren, i cili tashmë aktivizohet te skuadrë ruse e Zenitit, është bërë “hit” në internet, për shkak të një autogoli të shënuar.
Zeniti ishte duke kryesuar 1-0 ndaj Spartakut të Moskës deri në minutën e 22’, kur Lovren realizon një autogol të çuditshëm.
Mbrojtësi kroat në përpjekje për të kthyer një top me gjoks te portieri, nuk i bën mirë llogaritë dhe e dërgon topin në portën e tij, për t’i dhënë barazimin Spartakut të Moskës.
Kaq ka mjaftuar që menjëherë në rrjetet sociale të shpërndahet me shpejtësi autogoli, ku nuk mungojnë as talljet e tifozëve.
