Policia e Durrësit ka arrestuar një 52-vjeçar të kërkuar nga autoritetet italiane. Ai është Robens Berberi, i cili përdor edhe emrin tjetër Arben. 52-vjeçari i shpallur në kërkim ndërkombëtar, është dënuar nga Gjykata e Milanos në Itali me 18 vite burgim.
Njoftimi
Kapet dhe ndalohet një tjetër shtetas i shpallur në kërkim ndërkombëtar me qëllim ekstradimi drejt Italisë.
Gjykata e Milanos në Itali e ka dënuar me 18 vite burg.
Specialistët e Seksionit për Hetimin e Narkotikëve në Drejtorinë Vendore të Policisë Durrës kanë kapur një tjetër shtetas të shpallur në kërkim ndërkombëtar.
Është arrestuar me qëllim ekstradimi drejt Italisë shtetasi:
• Robens (Arben) Berberi 52 vjeç, banues në Durrës.
Gjykata e Milanos në Napoli Itali e ka dënuar me 18 vite burg për veprat penale ” Organizatë kriminale “dhe” Trafik narkotikësh “parashikuar në nenet 81, 110 të Kodit Penal Italian.
Materialet i kaluan Prokurorisë së Rrethit Gjyqësor Durrës për veprime të mëtejshme.
