Një hajdut u kap duke vjedhur rreth 8000 euro para kesh nga kutia e një pasagjeri tjetër pasi ai kaloi në një pikë kontrolli sigurie në aeroport.
Sipas mediave të huaja, kanë qenë pamjet e kapura nga kamerat e sigurisë ato që kanë kapur hajdutin ndërsa iu afrua dy skanerëve të sigurisë në aeroportin e Fiumicinos në Romë.
Siç bëhet e ditur, ka qenë një tjetër pasagjer, duke qëndruar para tij, ai që kishte vendosur dy zarfe të parave kesh brenda një tabakaje përpara se të provonte të kalonte nëpër një detektor metali.
Hajduti, i cili kishte vendosur një qese dhe një pallto në një tjetër tabaka, u filmua më pas duke pritur që gjërat e tij të ecnin përmes skanerëve të aeroportit.
Por, ndërsa qëndronte duke shikuar për sendet e tij, ai vuri re se dy zarfet plot me para kesh shfaqen në rripin e transportuesit.
Ai shikoi rreth e rrotull për një çast, para se të merrte me vete paratë dhe duke i futur në xhepin e tij.
Pastaj lidhi xhaketën e tij rreth qafës dhe kapi çantën e tij para se të dilte shpejtë, transmeton tg.
Viktima bëri panik kur vuri re se paratë e tij nuk ishin atje. Pasagjeri, nga Pakistani, do të përdorte paratë për të paguar për kujdesin mjekësor të një të afërmi të sëmurë, tha policia italiane.
Por hajduti u arrestua pasi ai po hynte në një fluturim për në Rusi. Për këtë hajduti është dënuar me një vit burg.
