Edhe ditën e sotme PD-ja dhe LSI-ja kanë tentuar të kapin protestën e studentëve. Në një video të shpërndarë në rrjet shihen studentët teksa komunikojnë me njëri flasin për pagesat që LSI iu ka bërë militantëve të saj për të bllokuar rrugët e qëndruar natën përpara kryeministrisë.
Një studente dëgjohet teksa konfirmon se: Kam shokët e mi te LSI qe janë paguar për te vajtur ne proteste. Unë e di shumë mirë se sa para kanë marrë për netët që kanë ndenjur jashtë përpara kryeministrisë.
Ndërsa nga ana tjetër, studentet dëgjohen teksa përplasen me militantet dhe shprehen se ‘’Edhe ne ishim ne proteste para ministrisë për kërkesat tona, por qëkur filloi te behej partiake, te shkonin e bllokonin rrugën apo te protestonim para kryeministrisë, u tërhoqëm.“
Protesta e studentëve ka marrë zgjidhjet nga qeveria për kërkesat që shpalosi dhe ditën e sotme në auditorë është rikthyer normaliteti duke u zhvilluar mësim rregullisht. Të gjitha zgjidhjet për kërkesat e studentëve janë me afate të caktuara dhe siç u bë publike me herët në media, nga nesër do të fillojë në universitete dorëzimi i dokumentacionit nga studentët të cilët në varësi të shtresës sociale të parashikuar në VKM e datës 26 dhjetor 2018, do të paguajnë 50% të tarifës ose nuk do të paguajnë fare.
Megjithatë, kjo nuk i ka ndaluar akoma PD dhe LSI që të përdorin të rinjtë e tyre (të paguar mesa duket), që të bëjnë betejën e tyre politike./Alpenews/
