Një debat i madh ka shpërthyer në Britaninë e madhe, ku lideri i opozitës Jeremy Corbyn u kap mat duke sharë kryeministren Theresa May, teksa kjo e fundit fliste.
Corbyn u kap nga kamerat duke thënë “Grua budallaqe”, teksa May e krahasoi përpjekjen e tij për të thirrur një votim mosbesimi ndaj saj për bllokimin e Brexit, me një pantomimë të Krishtlindjeve.
“E di që është sezoni i Krishtlindjeve dhe sezoni i pantomimit. Ai do të vendosë një votëbesim. Kam një këshillë, shih përtej vetes”, tha May.
Ndërkohë që thoshte këto fjalë, lideri i opozitës u kap duke thënë “Grua budallaqe”.
British lawmakers erupted in fury on Wednesday after opposition leader Jeremy Corbyn was accused by Conservatives of calling Theresa May a “stupid woman” during Prime Minister’s Questions https://t.co/Dhl82PgdYb pic.twitter.com/IbjZMaofIE
— CNN International (@cnni) December 19, 2018
Zëdhënësi i partisë së tij tha se në fakt Corbyn tha “Njerëz budallenj”.
May iu përgjigj veprimit të Corbyn teksa tha se duhet të inkurajohen të gjitha gratë që të hyjnë në këtë dhomë.
“Unë mendoj se të gjithë në këtë Dhomë, duhet të synojmë të inkurajojmë gratë që të hyjnë dhe të qëndrojnë në këtë dhomë dhe prandaj duhet të përdorim gjuhën e duhur sidomos kur ata (meshkujt na parlament) janë duke iu referuar anëtarëve femra”, tha May./ TIRANA TODAY
