Së paku 48 njerëz kanë vdekur pasi një qendër tregtare dhe argëtimi në qytetin qymyrgur të Siberisë në Kemerovë u përfshi nga flakët.
Deri në 41 fëmijë mund të jenë në mesin e viktimave dhe 16 njerëz mungojnë, thonë zyrtarët rusë. Flaka filloi në një kat të sipërm të kompleksit Ëinter Cherry, ndërsa shumë nga viktimat ishin në kinema.
Videoja e postuar në mediat sociale tregoi njerëzit që kërcyen nga dritaret për të shpëtuar nga flakët.
“Sipas informacionit paraprak, kulmi u shemb në dy kinema,” tha Komiteti Hetimor i Rusisë në një deklaratë. Shkaku i zjarrit ende nuk është i njohur dhe autoritetet kanë nisur një hetim.
Zjarri nisi në qendrën tregtare ku ka një numër të madh kinemash. Qendra tregtare është hapur në vitin 2013 dhe brenda saj ka restorante, sauna, një kopsht të vogël zoologjik si dhe bowling.
Kemerovo është një zonë kryesore e prodhimit të qymyrit, qëndron rreth 3,600 km (2,200 milje) në lindje të Moskës.
