Presidenti turk Rexhep Tayyip Erdogan u shfaq në momente tepër të vështira gjatë takimit me homologun moldav, Igor Dodon.
Kamerat fokusuan disa momente përgjumjeje të kreut të shtetit turk, teksa homologu i Moldavisë fliste.
#Turkey president #Erdogan is so excited to meet his #Moldova counterpart that he falls a sleep during a joint presser with his host President Igor Dodon in capital city Chisinau. pic.twitter.com/mHfa0lg4wk
— Abdullah Bozkurt (@abdbozkurt) October 17, 2018
Tre herë brenda pak minutave Erdoganit 64-vjeçar iu mbyllën sytë në përgjumje.
Konferenca e përbashkët për shtyp u zhvillua në ditën e dytë të vizitës së presidentit turk në Moldavi, ku në fokus ishte thellimi i bashkëpunimit mes dy vendeve. Dy vendet janë miqësuar ndjeshëm edhe pas arrestimit nga Moldavia të disa mbështetësve të klerikut Fetullah Gylen, organizatat e të cilit Turqia i konsideron terroriste.
