Pas mbylljes për gati dy ditë të aeroportit Gatewick të Londrës për shkak të një droni, masat e sigurisë në aeroporte janë shtuar. Kjo për shkakun se përplasja e mjeteve fluturuese me dronët rezulton katastrofike. Dronët, qoftë ata të formatit më të vogël, që peshojnë vetëm 400 gramë, mund të thyejnë xhamin e helikopterëve, por mund të përbëjnë rrezik edhe për avionët.
Sipas një eksperimenti një dron normal, me peshë 2 kg, mund të dëmtojë në mënyrë kritike xhamin e një avioni. Shkencëtarët e Institutit të Kërkimeve të Universitetit të Dejtonit (SHBA) kryen një eksperiment në parametra natyralë me një dron të tipit DJI Phantom 4 të cilin e përplasën me krahun e një avioni. Në kushte laboratorike përplasja u realizua teksa droni ishte me shpejtësi 238 km/h ndërsa aeroplani me shpejtësi 238 km/h.
Rezultati që mund të shihet edhe në video është katastrofik. Droni arrin të shkatërrojë krahun e avionit madje edhe një nga shufrat kryesore metalike të konstruktit. Janë pamje që vërtetojnë më së miri se sa të rrezikshme mund të jenë përplasjet e dronëve me avionët e pasagjerëve apo me helikopterët. TIRANA TODAY
