Pandeli Majko, cilësohet si një nga figurat e pakta morale brenda PS. Drejton një ministri simbolike, sikurse është katandisur mjerisht edhe morali në politikë.
Zgjedhjet e tjera po afrojnë, dhe ai s’ka garantuar ende votën për emigrantët. Ata kanë shumë probleme të tjera, që Ministri i Diasporës s‘ka takat t’ua zgjidhë.
Kjo duket se e ka nervozuar me kryeministrin Edi Rama. Majko u shpreh hapur në Kuvend kundër prishjes së Teatrit Kombëtar.
Ai kundërshton edhe ngritjen e kampeve për refugjatët në Shqipëri. Është herët për të aluduar për një fraksion të strukturuar brenda PS.
Megjithatë kalbëzimi i thellë i qeverisjes, do të prodhojë “rebelë”. Ndërsa Rama ka paralajmëruar ndryshime qeverie në shtator. Se çfarë kostoje do të ketë kjo për shumicën,mbetet për t’u parë.
TIRANA TODAY
