https://www.facebook.com/tiranatodaycom/videos/343035766141167/
Drejtori i Përgjithshëm i Policisë së Shtetit, Haki Çako ka paralajmëruar drejtuesit dhe punonjësit e policisë se nëse dështojnë në goditjen e kriminelëve dhe pasurive të tyre do të mbajnë përgjegjësi nga i pari tek i fundit.
Në një takim me Drejtorët Qendrorë dhe Vendorë të Policisë dhe me Drejtorët Rajonalë të Kufirit dhe Migracionit, Çako ka kërkuar evidentim, kontroll dhe ndëshkim të të gjithë personave me precedentë kriminalë, me makina të blinduara e luksoze, që bëjnë rolin e të fortit në komunitet.
Ndërsa ka theksuar se disiplina në punë dhe integriteti i punonjësit të Policisë së Shtetit është shumë i rëndësishëm për të rritur kredibilitein në komunitet.
“Për të realizuar këtë detyrë, është e domosdoshme që: Pranë çdo drejtorie Vendore të ngrihet dhe të funksionojë një Task – Forcë për të drejtuar operacionin për sekuestrimin e aseteve që rrjedhin nga veprimatria kriminale. Të shfrytëzohen të gjitha kapacitetet dhe burimet legale, duke shkëmbyer informacion me doganat, QKR, Hipotekat, Aluiznin, si dhe duke marrë edhe informacione në rrugë inteligjente, kjo duke bashkëpunuar ngushtësisht me SHISH, dhe me partnerët për informacionet që ata disponojnë për individë a grupe kriminale që mund të ushtrojnë aktivitetin kriminal edhe në vendet e tyre. Njëkohësisht të bashkëpunohet ngushtësisht me Prokurorinë dhe Drejtorinë e Përgjithshme të Pastrimit të Parave”, është shprehur Çako.
