Kemi parë shumë njerëz që të bëjnë budallallëqe dhe gjera të çmendura vetëm për të pasur një video sa më interesante në rrjetet sociale.
“Idioti i radhës” është një i ri që hidhet nga kati i 11 i një krocere drejt e në një zonë detare të mbipopulluar me peshkaqenë.
Në rrjetin social “Instagram” Nick Naydev publikoi një video të vetes teksa hidhej nga kati i 11-të i kroceres, drejt e në “detin e peshkaqenëve”.
Në zonën ku u hodh Naydev vendasit thonin se “askush nuk guxonte të notonte” në ato ujëra për shkak të numrit të lartë të peshkaqenëve.
27-vjeçari amerikan pasi arriti të dalë shëndoshë e mirë nga ato ujëra të rrezikshme tha: Jam shumë me fat që jam gjallë.
I riu u hodh nga një lartësi prej 120 metrash. Pasi ra në u ul në ujë, i riu u kap nga një anije e vogël dhe u kthye në korcera. Naydev u largua nga krocera, sepse atij iu kërkua që të lërë anijen “menjëherë”, së bashku me shokët e tij, të cilëve iu kërkua gjithashtu të largohen.
Pas kërcimit, Naydev pranoi se kishte shumë dhimbje. Ai mundi të ecte me vështirësi për tre ditë. TIRANA TODAY
